Dënohet Interi për ofendimin e Balotellit

16:28 / 12.02.2013

Interi do të paguajë 15.000 euro dënim për shkak të këngëve raciste të tifozëve kundrejt sulmuesit të Milanit, Mario Balotelli.

Në fitoren prej 3-1 të Nerazzurrëve kundër Chievos, tifozët e kanë ofenduar ish-yllin e tyre në baza racore.

Sulmuesi italian ka luajtur për zikaltrit para se të transferohej te Manchester City (2010), ndërsa në afatin kalimtar të janarit iu bashkua rivalit lokal dhe kjo nuk i ka gëzuar mbështetësit e Interit.

Për më shumë, pas veshjes së fanellës kuqezi, 22-vjeçari deklaroi se do të festonte në rast se do t’i shënonte gol ish-skuadrës së tij.

Edhe Juventusi është dënuar për shkak të këngëve ofenduese kundrejt rivalit për titull, Napoli – i cili po ashtu do të paguajë dënim për shkak të një drite laserike që iu drejtua gjyqtarit në ndeshjen kundër Lazios. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.