Di Stefano: Pele më i mirë se Messi dhe Ronaldo
Legjenda e futbollit argjentinas dhe legjenda e Real Madridit, Alfredo Di Stefano, ndjen se Pele ishte lojtar shumë më i mirë se sa Cristiano Ronaldo dhe Lionel Messi.
Argjentinasi legjendar kishte fjalë të mira për yllin e Realit dhe superyllin e Barcës, por ndjen se ish-rivali i tij brazilian ishte një klas më lart.
“Lojtari më i mirë në histori? Pele. Messi dhe Ronaldo janë lojtarë të mëdhenj me cilësi të jashtëzakonshme, por Pele ishte më i mirë”.
“Messi është lojtari më teknik në histori. Ai është i mirë në zonë, mënyra se si e menaxhon topin dhe driblon. Ai kënaqet duke luajtur”.
“Ronaldo ka trup më të mirë dhe është fizikisht më i fortë. Ai ka shpejtësi, qëndrueshmëri dhe është lojtar i guximshëm. Ai mund të shënojë me të dyja këmbët. Të gjitha këto i ka pasur Pele”, ka deklaruar Di Stefano.
86 vjeçari Alfredo Di Stefano ka mbi 300 paraqitje për Real Madridin nga viti 1953 deri në vitin 1964 dhe ka fituar pesë tituj të Ligës së Kampionëve me klubin mbretëror.
