Djajtë përmbysin gjithçka – City pëson

17:58 / 26.12.2012

Manchester Unitedi ka fituar me rezultat 4-3 kundër Newcastle United në një ndeshje dramatike që u zhvillua të mërkurën në Old Trafford.

Në minutat e para të ndeshjes (4’), James Perch i kaloi mysafirët në epërsi, ndërsa kjo falë edhe reagimit të dobët të portierit vendas.

Pas një gjuajtje të lirë të Giggs dhe tentativës së Chicharitos, Jonny Evans reagoi për ta barazuar rezultatin (25’).

Mirëpo, vetëm disa minuta më pas (29’), Evans e gaboi portën për të kthyer avantazhin e Newcastle dhe ky ishte rezultati i pjesës së parë.

Në pjesën e dytë shënoi një tjetër mbrojtës, Patrice Evra, i cili e solli në nivel lojën për të dytën herë (58’).

Por, mysafirët nuk ndaleshin. Falë një pasimi të Gabriel Obertan, Papiss Cisse kaloi në epërsi ekipin e tij, për të tretën herë këtë mbrëmje (68’).

Megjithatë, Djajtë e Kuq reaguan përsëri për ta barazuar rezultatin. Realizues ishte Robin van Persie (71’).

Në minutën e fundit të takimit (90’), Javier 'Chicharito' Hernandez kaloi për herë të parë vendasit në epërsi në këtë ndeshje dhe ky ishte goli që i solli tri pikë të reja Unitedit.

Rivali lokal dhe njëherësh konkurrenti kryesor për titull, Manchester City, është mposhtur me epërsi minimale nga Sunderlandi.

Pas xhiros së 19-të, diferenca mes dy rivalëve për titull është shtatë pikë. /Telegrafi/


Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.