Djokovic fitues i Australian Open
Tenisti serb i lindur në Mitrovicë, Novak Djokovic, ka hyrë në histori si tenisti i parë që fiton tri herë radhazi grand-slam turneun Australian Open, pas triumfit ndaj Andy Murrayt në finalen e këtij viti. Në fillim të takimit Murray u shfaq shumë në formë, por nuk arriti të fitonte në fund, pasi Djokovic e kërkoi me ngulm fitoren.
Sfida mbaroi me rezultat 3-1 në sete për Djokovic, përkundër faktit se ky i fundit e fitoi setin e parë.
6-7, 7-6, 6-3 dhe 6-2 ishte rezultati final i këtij takimi që u mendua se do të ishte dramatik, por thjesht tenisti serb ishte i pakapshëm.
Kështu, Djokovic hyn në histori si tenisti i parë që arrin të fitojë tri herë radhazi grand slam turneun Australian Open. /Telegrafi/
