Drogba, konfirmohet interesimi i Juves
Agjenti i Didier Drogbas, Thierno Seydi, ka pranuar se Juventusi e ka kontaktuar atë për sulmuesin e Shanghai Shenhuas, por shtoi se interesimi i kampionit të Italisë nuk është ende konkret.
Zonja e Vjetër dëshiron që të përforcojë sulmin, me drejtorin Giuseppe Marotta, që ka zbuluar më herët gjatë javës se ata po shqyrtojnë mundësinë e ofertës për Drogban, që si duket tashmë ka ndodhur.
“Është e vërtetë se ka pasur kontakt me Juventusin. Ende nuk ka asgjë konkrete në këtë pikë”.
“Juventusi, Milani, Celticu janë ekipe të interesuara për të, por Drogba është lojtar i Shanghait”, ka thënë agjenti i lojtarit.
