Duka këshillon FFK-në: Mos u shtyni me FIFAn
Presidenti i Federatës Shqiptare të Futbollit, Armando Duka, ka këshilluar krerët e FFK-së të mos nxitojnë për të çuar FIFA-n në Gjykatën e Arbitrazhit Sportiv, sepse kjo nuk do të sillte ndonjë favor për Kosovën.Ai të martën ishte në Prishtinë, ku mori pjesë në ceremoninë e shpalljes së laureatëve të FFK-së për vitin 2012 dhe tha se këtë porosi ua ka dhënë edhe zyrtarëve kosovarë.
"Nëse kërkoni një mendim timin personal, unë gjithmonë tentoj t'i zgjidh gjërat me konsensus, me marrëveshje dhe me negociata, me lobim dhe jo me konflikt", ka thënë Duka./Telegrafi/
