Edmilson: Barca e fortë sikur me Guardiolën
Ish-mesfushori i Barcelonës, Edmilson, beson se Barcelona do të jetë e fortë nën Tito Vilanovan ashtu sikurse që ka qenë nën drejtimin e Pep Guardiolës në vitet e fundit. “Mendoj se filozofia e klubit ka bazën nga koha e Cruyffit dhe Barcelona gjithmonë ka shfaqur futboll të mirë. Unë kurrë nuk e kam parë një ekip të luajë aq mirë sikurse Barcelona e Guardiolës, me gjithë atë posedim dhe aq shumë gola”.
“Do të jetë më vështirë tani, por Tito ka punuar me këta lojtarë dhe ai e njeh mentalitetin. Ai i njeh ata shumë mirë. Filozofia do të jetë e njëjtë pasi Barca ende do të jetë Barca, aq e fortë sikurse në vitet e fundit”, ka potencuar Edmilson.
