Elustondo: Mund ta lëndojmë Realin

9:41 / 4.01.2013

Gorka Elustondo beson se Real Sociedad mund ta lëndojë Real Madridin kur dy skuadrat do të takohen të dielën në sfidën e parë të vitit të ri në La Liga.

Mesfushori 25-vjeçar shpreson të rikthehet në formacionin startues këtë vikend, kur skuadra e tij udhëton në Santiago Bernabeu, pasi ka kaluar katër muajt e fundit jashtë fushe për shkak të një lëndimi.

“Ata do të vijnë te ne me 200 për qind të kapacitetit dhe ne duhet po ashtu të hidhemi në fushë. Mendoj se ne duhet të dalim të luajmë kundër Madridit, ballë për ballë, pa u kthyer prapa, pasi me njerëzit që kemi mund t’i lëndojmë ata”, ka thënë Elustondo për Marca. /Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.