Emanuelson huazohet te Fulhami

14:39 / 31.01.2013

Fulhami ka konfirmuar se ka nënshkruar me holandezin e Milanit, Urby Emanuelson, në formë huazimi deri në fund të sezonit.

26-vjeçari iu bashkua Milanit nga Ajaxi në sezoni 2010/11, por ka dështuar të sigurojë vend të rregullt me fanellën Rossonere dhe ka startuar vetëm tetë ndeshje në Serie A këtë sezon.

Holandezi mund të luajë si mbrojtës i majtë, mesfushor i krahut ose i qendrës dhe më herët ka punuar me menaxherin e Fulhamit, Martin Jol, gjatë kohës së tyre te Ajaxi.

Emanuelson është nënshkrimi i tretë i Fulhamit në afatin kalimtar të janarit, pasi skuadra angleze tashmë ka transferuar Chris David nga Twente dhe Emmanuel Frimpong si huazim nga Arsenali./Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.