Euronews: Kelmendi shkëlqen në Gjermani

0:44 / 25.02.2013

Kosovarja Majlinda Kelmendi ka bërë një performancë të shkëlqyer për të fituar medaljen e artë në kategorinë e femrave nën 52 kilogramë në turneun “Judo Grand Prix” në Duesseldorf – shkruan Euronews.

Kanali i njohur informativ ka bërë një artikull, të cilit ia ka bashkëngjitur një video në faqen e vet të internetit, mbi suksesin e krenarisë së sportit shqiptar.

Euronews raporton se Majlinda ishte e pandalshme në podium duke mposhtur me një ‘waza-ari’ klinik kundërshtaren e saj rumune, Andreea Chitu.

Medaljet e bronzta u takuan gjermanes, Mareen Kraeh dhe japonezes, Nodoka Tanimoto. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.