Evra: Koha të tregojmë se jemi më të fuqishmit
Anësori i Manchester United, Patrice Evra, ka këmbëngulur se është koha për bashkëlojtarët e tij që të tregojnë se kanë aftësi për të fituar trofe të mëdha këtë sezon. Djajtë e Kuq përballen me Cityn në Ligën Premier në luftën për titull, teksa edhe ndeshjet me Real Madridin e presin Unitedin në formë të lartë.
“Është moment shumë i rëndësishëm për mua. Është me rëndësi që të bëjmë mirë në kampionat në shkurt dhe të luajmë mirë ndaj Real Madridit në Ligën e Kampionëve”.
“Ky është momenti kur duhet t’i fitojmë ndeshjet dhe të tregojmë që jemi numër një. Është me rëndësi që të vazhdojmë me formën e mirë, dhe të fitojmë ndeshje pas ndeshje”, ka thënë Evra. /Telegrafi/
