FA Cup, vazhdon Arsenali
Arsenali e ka fituar me rezultat 3-2 sfidën e vlefshme për Kupën FA kundër Brighton & Hove Albion, për t’u kualifikuar në raundin e pestë të kësaj gare, gjegjësisht në 1/8 e finales.Olivier Giroud e hapi takimin (16’), ndërsa Ashley Barnes bëri që skuadrat të shkojnë në pushim me shifra identike (33’).
Giroud shënoi golin e dytë për mysafirët (56’), ndërsa vendasit barazuan përsëri me anë të Ulloa (62’).
Golin e fitores e realizoi Theo Walcott, pesë minuta pa përfunduar koha e rregullt e takimit. /Telegrafi/
