Falcao, sulmuesi më i mirë në botë – thotë presidenti i Atleticos
Presidenti i Atletico Madridit, Enrique Cerezo, e ka etiketuar Radamel Falcaon si sulmuesin më të mirë në botë.Kolumbiani shënoi pesë gola në fitoren prej 6-0 kundër Deportivo La Corunas dhe eprori i tij është i kënaqur me formën e 26-vjeçarit.
“Është sulmuesi më i mirë në botë. Është hera e parë që e kam parë një futbollist duke shënuar pesë gola këtu”.
“Kam parë të tjerë, si Christian Vieri ose Milinko Pantic, duke dhënë nga katër gola, por asnjëri nga ata nuk i ka shënuar pesë”, ka theksuar Cerezo.
Falcao e ka kaluar Cristiano Ronaldon në listën e golashënuesve në La Liga, por gjendet prapa Lionel Messit. /Telegrafi/
