Falcao, te Atletico së paku deri në verë

17:21 / 29.12.2012

Sulmuesi i Atletico Madridit, Radamel Falcao, ka hedhur poshtë mundësinë e largimit në afatin kalimtar të janarit.

Manchester City dhe Chelsea janë klubet që udhëheqin garën për kolumbianin, mirëpo ai është i fokusuar te klubi aktual, së paku deri në fund të sezonit aktual.

“Kam edhe tre vite në kontratën time me Atleticon. Aty do të jem deri në fund të sezonit, pastaj do të shohim se çfarë do të ndodhë”.

“Po mendoj vetëm për klubin tim. E di se ka shumë spekulime, por shpresoj që nuk do të kenë ndikim tek unë”.

“Tash për tash, realiteti im është Atletico dhe jam i lumtur që jam këtu”, u ka thënë 26-vjeçari gazetarëve në Dubai, ku mori çmimin e futbollistit më të mirë të vitit 2012 nga Globe Soccer. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.