Fanella po e pret Sneijderin

17:33 / 28.12.2012

Trajneri i Interit, Andrea Stramaccioni, ka folur për përvojën e tij me zikaltrit dhe për mesfushorin kreativ Wesley Sneijder.

“Viti 2012 ma ndryshoi jetën. Ishte një vit i mrekullueshëm. Ndërsa, në vitin 2013 dua t’ia bëj një dhuratë presidentit Moratti”.

“Këtë vit e vlerësoj me notën shtatë prej shkallës një deri në dhjetë. Ne kemi luajtur mirë në përgjithësi dhe po luftojmë për tituj. Jemi duke realizuar një projekt të madh”.

“Sneijder? Jam i sigurt se do ta ndryshoj mendimin tim për të. Fanella është e gatshme për të”, ka thënë strategu italian për Sportmediaset. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.