Ferguson: Giggs mund të luajë edhe një vit

11:42 / 17.01.2013

Menaxheri i Manchester United, Sir Alex Ferguson, ka lavdëruar legjendën Ryan Giggs pas fitores në Kupën FA ndaj West Ham United.

Një paraqitje e shkëlqyeshme ka bërë që 39-vjeçari të rifitojë lëvdatat e trajnerit, i cili madje i ka premtuar se do t’ia vazhdojë kontratën edhe për një vit.

“Ai do të luajë për edhe një vit. Nuk ka asnjë shenjë të dallueshme të lodhjes ose dobësisë për këtë lojë, kualiteti i tij ende është aty, ai ka një ekuilibër fantastik dhe ka apetit për këtë”.

“Ai thjesht është një qenie e mrekullueshme humane”, ka thënë Ferguson pas takimit të mbrëmshëm. /Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.