Ferguson: Van Persie ka mundur të vdiste
Menaxheri i Manchester Unitedit, Sir Alex Ferguson, ka thënë se Robin Van Persie ka mundur të vdiste kur Ashley Williams e goditi me top në fytyrë, gjatë takimit të sotëm kundër Swanseas që përfundoi me barazim, 1-1. ”Ishte faul në Van Persien, faul i pastër. Gjyqtari sot pati njërën nga ato ditët ku bëri gjithçka kundër neve. Ai pati një paraqitje të tmerrshme sot. Unë e di që ai është gjyqtar i ri, por jam i zhgënjyer me këtë paraqitje, e sidomos me incidentin e Van Persiet kur ai e pa shumë qartë atë”.
”Ai ka mundur të vdiste. Mendoj se FA duhet të shikoj këtë rast sepse pavarësisht që ai u ndëshkua me karton të verdhë, ai duhet të suspendohet për një kohë të gjatë sepse ky ishte njëri ndër incidentet më të rrezikshme që kam parë në fushën e futbollit. Absolutisht e qëllimshme”.
“Gjyqtari kishte vërshëllyer, loja ishte ndalur dhe ai e bëri këtë para syve të gjyqtarit. Ai vërtet ka mundur ta mbyste Van Persien”, ka thënë Ferguson pas ndeshjes./Telegrafi/
