Ferrara trajner i Sampdorias
Skuadra e kthyer në Serie A, Sampdoria, ka njoftuar se Ciro Ferrara e ka zënë vendin e Giuseppe Iachinit në postin e trajnerit.“Sampdoria njofton se është arritur një marrëveshje, e cila do të formalizohet në ditët në vijim, me Ciro Ferraran në cilësinë e trajnerit kryesor të ekipit të parë”.
“Klubi dëshiron ta falënderojë Giuseppe Iachinin dhe stafin e tij për punën e shkëlqyer dhe të suksesshme që kanë bërë në muajt e fundit, që kulmoi me promovimin në Serie A”, thuhet në një komunikatë të lëshuar nga klubi.
Ferrara është larguar nga posti i trajnerit të Italisë U-21, për t’u kthyer në Serie A, ku si trajner nuk ka kujtime aq të mira me Juventusin në sezonin 2009/2010. /Telegrafi/
