Fitore rutinë e Barcës

19:54 / 22.12.2012

Tifozët e Valladolidit ishin ata që kësaj radhe panë skuadrën e tyre duke u mposhtur nga Barcelona. Katalunasit fituan me rezultat 3-1 në Estadio Municipal Jose Zorrilla.

Pas një kombinimi mes Messit, Albas dhe Xavit, mesfushori spanjoll i kaloi në epërsi mysafirët në fund të pjesës së parë (43’).

Pas një ore lojë, Lionel Messi pranoi një top nga Xavi, e kaloi një mbrojtës dhe e dyfishoi rezultatin në pjesën e dytë. Ky ishte goli i 91-të i argjentinasit në vitin 2012 dhe i 26-ti në La Liga këtë edicion.

Javi Guerra e ngushtoi rezultatin (89’) për ta bërë më interesant takimin në minutat e mbetura.

Mirëpo, në ato pak minuta shënuan sërish Blaugranët me anë të Cristian Tellos (90’+4).

Barcelona do të shkojë në pushim me nëntë pikë diferencë nga përcjellësi i parë, Atletico Madrid. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.