Gerrard: Hart më i miri në botë
Kapiteni i Liverpoolit, Steven Gerrard, e vlerëson portierin e Manchester Cityt, Joe Hart, si më të mirin në botë.“Ne jemi shumë me fat që e kemi Joe Hart. Pozita e portierit gjithmonë ka qenë e debatueshme gjatë katër ose pesë viteve dhe gjithmonë janë ngritur pyetje rreth asaj se kush është numri 1. Joe ka ardhur nga askund për ta kapur atë me të dyja duart dhe që atëherë ka qenë fantastik për vendin”.
“Secili lojtarë ka rënie të lehta të formës, unë kam pasur shumë, por është mënyra se si ti reagon dhe rikthehesh. Ai sigurisht ka qenë në formë të mirë së fundi”.
“Ai është portier i klasit botëror dhe nëse Anglia do të arrijë sukses në të ardhmen, ai do të luajë një rol të rëndësishëm. Portieri i Brazilit, Julio Cesar, është në formë të shkëlqyeshme, por ne nuk do ta shkëmbenim Hart me askënd në botë”, ka thënë Gerrard. /Telegrafi/
