Giggs i relaksuar për të ardhmen te United

19:06 / 18.01.2013

Legjenda e Manchester United, Ryan Giggs, ka thënë se ai është i fokusuar vetëm në paraqitjet e tij momentale në fushë dhe nuk po mendon për rinovimin e kontratës.

 Pas fitores prej 1-0 ndaj West Hamit, ku Giggs u shpall lojtari i ndeshjes, Sir Alex kishte deklaruar se edhe për një vit e dëshiron veteranin në ekipin e tij.

“Unë nuk po mendoj për kontratën time. Ashtu sikurse sezoneve të kaluara ,unë jam mjaft i relaksuar për këtë. Unë po kënqem me futbollin. Janë shumë ndeshje kruciale për momentin dhe nuk më intereson ajo që do të ndodhë vitin e ardhshëm”.

“Unë ndihem shumë mirë. Sigurisht se menaxheri duhet të kërkojë zgjidhjen ideale për mua dhe të bëjë më të mirën. Unë nuk do të luaj secilën ndeshje, por do të jem i gatshëm sa herë të ketë menaxheri nevojë për mua”, ka thënë Giggs. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.