Globe Soccer: Falcao, futbollisti i vitit

13:28 / 29.12.2012

Sulmuesi i Atletico Madridit, Radamel Falcao, ka fituar çmimin për futbollistin më të mirë të vitit 2012 nga Globe Soccer. 26-vjeçari ka thënë se pa ndihmën e bashkëlojtarëve të tij në ekip dhe kombëtare, nuk do ta kishte fituar këtë çmim.

“Pa ndihmën e bashkëlojtarëve të mi te Atletico dhe atyre në kombëtaren e Kolumbisë nuk do ta fitoja këtë çmim”.

“Nuk jam personi i duhur të vendos se kush është lojtari më i mirë i këtij viti, sepse ka njerëz të kualifikuar për ta marrë këtë vendim”.

“Unë jam shumë i lumtur për titujt e fituar me Atleticon dhe për golat që kam shënuar. Ky çmim është shumë i rëndësishëm për karrierën time”, ka deklaruar Falcao.

Kjo ngjarje u mbajt në Dubai, në një mbrëmje madhështore ku morën pjesë shumë yje nga bota e futbollit. Vitin e kaluar këtë çmim e fitoi portugezi Cristiano Ronaldo. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.