Guardiola i kthehet punës në vitin që vjen

9:14 / 29.12.2012

Ish-presidenti i Barcelonës, Joan Laporta., beson se Pep Guardiola do t’i kthehet punës së trajnerit gjatë vitit 2013.

Strategu spanjoll u tërhoq nga futbolli në fund të sezonit të kaluar për të bërë një pushim, ndërsa ish-presidenti i tij beson se viti që vjen do të shënojë rikthimin e trajnerit jashtëzakonisht të suksesshëm.

“Mendoj se Pep do të kthehet si trajner në vitin e ardhshëm. Ai ka një personalitet të shkëlqyer, ide shumë të qarta dhe është shumë inteligjent”.

“Jam i nderuar që kam raporte të mira me të, për mua, ai është trajneri më i mirë në botë”, ka deklaruar Laporta për shtojcën suedeze Expressen, duke shtuar se nuk mendon që PSG ka strukturën e përshtatshme për Guardiolan. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.