Iniesta: Guardiola, i përkryer për Bayernin

13:59 / 12.02.2013

Mesfushori i Barcelonës, Andres Iniesta, është i bindur se Pep Guardiola do të bëhet një hit i menjëhershëm te Bayerni i Munichut, dhe mendon se spanjolli është zgjidhja e duhur për Bavarezët.

Trajneri 42-vjeçar ka nënshkruar marrëveshje trevjeçare me gjigantin gjerman dhe do ta zëvendësojë trajnerin Jupp Heynckes në fund të sezonit aktual.

“Jam i lumtur për Pep. Është e rëndësishme për futbollin dhe për të që një trajner si ai të drejtojë një klub. Ai do të përpiqet t’i mësojë lojtarët e tij t’i përshtaten stilit të tij të lojës. Bayerni ka disa lojtarë të ushqyeshëm”.
“Besoj se Pep do ta ruajë stilin e tij. Stili i lojës së Bayernit është shumë i ngjashëm me atë të Barcelonës. Posedimi është shumë i rëndësishëm, plus ata kanë një numër lojtarësh të nivelit të lartë”.

“Nuk pres vështirësi. Ai do ta marrë nën drejtim një klub të madh dhe do të përpiqet të fitojë respektin e njerëzve. Nuk kam dyshime se ai do të arrijë sukses”, ka thanë Iniesta për Bild. /Telegrafi/ 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.