Interi në gjysmëfinale

23:34 / 15.01.2013

Pas një mbrëmjeje dramatike, Interi e ka eliminuar Bolognan nga Kupa e Italisë duke e mposhtur me rezultat 3-2 pas vazhdimeve.

Mysafirët e filluan mirë takimin, por ishin futbollistët zikaltër ata që luajtën më mirë në vazhdim.

Fredy Guarin e kontrolloi me qetësi një top të Antonio Cassanos në zonë dhe e dërgoi në rrjet (34’).

Futbollistët vendas vazhduan të krijonin raste edhe në gjysmën e dytë, mirëpo nuk ishin të efektshëm para portës deri në minutën e 77-të kur shënoi Rodrigo Palacio.

Mirëpo, mysafirët nuk u dorëzuan, ata e ngushtuan rezultatin me anë të Alessandro Diamantit (80’) dhe shumë shpejtë barazuan përmes Manolo Gabbiadinit (84’).

Menjëherë pas, Nerazzurrëve iu anulua një gol, ndërsa Gabbiadini nga njëra anë dhe Palacio nga ana tjetër, patën shanset për ta vendosur takimin. Sido që të jetë, loja shkoi në vazhdime.

Në minutën e fundit të vazhdimeve (120’), Andrea Ranocchia shënoi golin që dërgon Interin në gjysmëfinale.

Në gjysmëfinale, Interi pret fituesin e duelit ndërmjet Romës dhe Fiorentinas. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.