Interit i kushton ofendimi ndaj Balotellit
Interi është dënuar me 50.000 euro për shkak të sjelljes së tifozëve zikaltër në barazimin prej 1-1 kundër Milanit.Në një komunikatë të Lega Serie A thuhet se tifozët nerazzurrë janë gjetur fajtorë për shkelje të shumta, duke përfshirë brohoritjet racore ndaj Mario Balotellit dhe lojtarëve të tjerë kundërshtarë, ekspozimin e disa pankartave ofenduese kundrejt tifozëve dhe lojtarëve mysafirë dhe drejtimin e dritave laserike në disa raste.
Interi u dënua edhe më herët këtë muaj me 15.000 euro për shkak të këngëve raciste të tifozëve kundrejt SuperMarios në ndeshjen që Nerazzurrët e zhvilluan kundër Chievos.
Nga ana tjetër, Milani është dënuar me 10.000 euro për pankartat ofenduese të tifozëve Rossonerë kundrejt tifozëve dhe lojtarëve zikaltër.
Po ashtu, edhe vet Balotelli është dënuar me 10.000 euro dhe ka marrë një paralajmërim zyrtar për gjestin e tij kundrejt tifozëve të Interit në minutat e fundit të ndeshjes. /Telegrafi/
