“Balotelli nuk bëri probleme te Interi”
Ish-drejtori i Interit, Ernesto Paolillo, ka mbrojtur sulmuesin e Manchester Cityt, Mario Balotelli. Paolillo thotë se përkundër faktit që Balotelli hodhi në tokë fanellën e Interit në ndeshjen ndaj Barcelons, ai nuk ka shkaktuar kurrë probleme të mëdha.
“Kur ai ishte lojtar në akademinë tonë, ai nuk krijoi kurrë probleme, e as edhe në ekipin e parë, as me lojtarët e as me trajnerin e parë”.
“Por, ndoshta është pak i papjekur. Ndoshta edhe lojtarët seniorë nuk ishin të gatshëm të pranonin një lojtar të ri aq të talentuar . Ishte e rrezikshme për ta. Shpresoj që ai të kuptojë shumë gjëra për të ardhmen, pasi kështu do të bëhet edhe futbollisti më i mirë në Evropë”, është shprehur Paolillo.
