“Ishte kënaqësi të jesh trajner i Balotellit”
Trajneri i Real Madridit, Jose Mourinho, ka refuzuar të pranojë se ish-sulmuesi i Interit, Mario Balotelli, i kishte shkaktuar telashe në zhveshtore.Futbollisti i Manchester Cityt është i njohur për veprimet e tij kontroverse, ndërsa klubi aktual e konsideron si tepricë dhe është spekuluar për një kalim të tij te Milani.
“Balotelli, Ibrahimovic, Materazzi. Ata nuk janë lojtarët më të vështirë për t’u menaxhuar. Me Balotellin ishte argëtuese”, ka deklaruar 50-vjeçari për Rai Sport.
Ai ka shtuar se ka futbollistë të cilët nuk njihen për sjellje të pahijshme e që janë shumë më të vështirë për t’u menaxhuar sesa këta që i ka përmendur. /Telegrafi/
