“Nuk do ta blejmë Lisandron”

15:13 / 27.01.2013

Drejtori teknik i Juventusit, Beppe Marotta, ka zbuluar se negociatat me Lyonin për sulmuesin Lisandro Lopez, kanë dështuar pasi ekipi francez kërkoi një shumë të papranueshme për bianconerët.

 Sulmuesi argjentinas po kërkohet që një kohë të gjatë nga Juventusi, i cili këtë afat kalimtar synim kryesor ka pasur ta përforcojë repartin e sulmit. Por si duket, tani gjithçka ka përfunduar sa i përket këtij transferimi.

”Nuk mendoj se Lisandro Lopez do të na bashkohet. Negociatat mes klubeve janë ngrirë. Lisandro është lojtar i mirë por Lyon kërkoi një shumë të papranueshme për ne”, tha Marotta./Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.