Jep dorëheqje trajneri i Fenerbahces
Aykut Kocaman ka dhënë dorëheqje nga posti i trajnerit të gjigantit turk, Fenerbahce, pasi presioni prej tifozëve është ngritur dukshëm pas disfatës nga Karabukspori të shtunën. Fenerbahce pësoi humbje edhe javën e kaluar nga Galatasaray, ndërsa të ngopur u treguan tifozët, presioni i të cilëve bënë që për Kocamanin ndeshja ndaj Kardemir Karabuksporti të jetë e fundit.
Kocaman ishte fajtori kryesor sipas tifozëve të Fenerit pse klubi u eliminua nga play-offi për kualifikim në Ligën e Kampionëve, ndërsa prishja e marrëdhënieve me lojtarin e preferuar Alexandro de Souza e ka shpjerë durimin e tifozëve ashtu si të bordit në maje të hundës. /Telegrafi/
