Real Madridi ka pësuar humbjen e dytë në sezonin e ri në La Liga, duke mbetur shumë prapa Barcelonës në garën për kreun e tabelës.
Në takimin e zhvilluar në Estadio Ramon Sanchez Pizjuan, kampioni në fuqi u mposht me epërsi minimale nga Sevilla.
Goli i vetëm në ndeshje u shënua në minutat e hershme të takimit (2’), kur pas një harkimi të Ivan Rakitic, Piotr Trochowski shënoi golin me vlerën tri pikë.
Gjatë gjithë ndeshjes, mysafirët u munduan që të shfaqeshin të rrezikshëm në fazën ofensive, mirëpo efektiviteti i tyre mungoi tërësisht.
Pas katër xhirosh, Real Madridi regjistron një fitore, një barazim dhe dy humbje, ndërkaq mbetet tetë pikë prapa liderit të Kampionatit spanjoll, Barcelonës. /Telegrafi/
Komente
Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.
