Jovetic: Qëndrova për të luajtur në LK

17:03 / 14.12.2012

Sulmuesi i Fiorentinës, Stevan Jovetic, ka zbuluar arsyet e qëndrimit të tij në Fiorentinë edhe pse kishte një mori ofertash serioze nga klubet tjera.

“Unë kam mundur të largohem nga Fiorentina dhe kam pasur shumë oferta të mëdha, por unë vendosa të qëndroj këtu. Presidenti më premtoi se do të sjellë në ekip me lojtarë të fortë dhe do të luftojmë për një vend në Ligën e Kampionëve”.

“Objektivi ynë është që të përfundojmë në top treshe dhe të kualifikohemi në Ligën e Kampionëve. Për momentin nuk po mendoj që të shkoj te ndonjë klub më i madh, por nëse kjo është e shkruar të ndodh, do të ndodhë”, ka thënë Jovetic për Vijesti. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.