Juve i hakmerret Milanit

23:17 / 9.01.2013

Juventusi është kualifikuar në gjysmëfinale të Coppa Italias pasi pas vazhdimeve arriti ta eliminojë Milanin duke e mposhtur me rezultat 2-1.

Sfida e zhvilluar në stadiumin e ri të Juventusit u përshkua nga një fillim i fuqishëm.

Stephan El Shaarawyt iu nevojit pak hapësirë, shumë pak haëspirë për ta lënë pa mundësi portierin kundërshtar për epërsinë e Rossonerëve dhe heshtjen e 45 mijë Bianconerëve (6’).

Vetëm gjashtë minuta më vonë (12’), Sebastian Giovinco ia shkatërron edhe ato pak vite karrierë Marco Amelias me një supergol nga gjuajtja e lirë për 1-1.

Ndeshja mbaroi me këtë rezultat dhe sfida u vendos në vazhdime, ku më i sakt u tregua ‘ujku i vjetër’ Mirko Vucinic, (95’), i cili shënoi për 2-1 dhe fitoren e vendasve.

Juventusi kështu kualifikohet në gjysmëfinale të Kupës së Italisë, ku do të përballet për një vend në finale me Lazion. /Telegrafi/ 


Juventus 2-1 AC Milan footyroom.com by Futbol2101

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.