Juventusi s’di të ndalet
Juventusi ka shënuar fitore të lehtë në shtëpi ndaj Sienas me rezultat 3-0, për të vazhduar në mënyrë të qetë kryesimin në tabelën e Serie a. Gjysmë ore mjaftuan për Stephan Lichtsteiner që të kalonte në epërsi ekipin vendas, që e dominoi sfidën plotësisht.
Me rezultat minimal 1-0 përfundoi pjesa e parë dhe në pjesën e dytë u formalizua fitorja.
Sebastian Giovinco (74’) mbylli dilemën e fituesit për 2-0. Në fund për rezultatin përfundimtar 3-0 shënoi Paul Pogba (89’).
Juventusi ka 58 pikë pas javës së 26-të, shtatë pikë më shumë se Napoli që i shkon Udinses të hënën. /Telegrafi/
