KB Drita rikthen dy amerikanët që i largoi

12:34 / 16.01.2013

Klubi basketbollistik i Dritës, në pamundësi për të angazhuar basketbollistë më cilësorë dhe më të shtrenjtë, është detyruar t’i rikthejë dy amerikanët e larguar javë më parë, Craig Blackmonin dhe Laurence Donelsonin.

Gjilanasit rikthyen dy amerikanët por nuk arritën ta rikthejnë edhe të tretin, Devin Chambers, i cili ishte edhe lojtari më i mirë i Dritës gjatë sezonit vjeshtor në BKT Superligën e Kosovës.

Këtë lajm për Sport e ka konfirmuar edhe drejtori i Dritës, Fazli Fazliu.

“Kemi rikthyer në skuadër Craig Blackmonin dhe Laurence Edward Donelsonin, në pamundësi për të angazhuar basketbollistë tjerë të huaj cilësorë”.

“Në një formë, kemi qenë të detyruar të rikthejmë basketbollistët e larguar. Ata pritet të vijnë në fund të janarit”, ka thënë Fazliu.

Drita javën e kaluar ka filluar stërvitjet e rregullta për stinorin e ardhshëm, ndërsa stërvitjet intensive i kanë filluar nga dita e hënë./Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.