KOK-u pret të pranohet në KON

12:00 / 30.01.2013

Presidenti i Komitetit Olimpik të Kosovës (KOK), Besim Hasani, pret që në njërën prej tri mbledhjeve të këtij viti, Bordi Ekzekutiv i Komitetit Olimpik Ndërkombëtar (KON) të pranojë KOK-u përkohësisht në familjen olimpike.

"KON-i do t'i ketë tri mbledhje gjatë këtij viti. Në muajin shkurt, maj dhe në fillim të muajit shtator. Në cilëndo mbledhje të diskutohet dhe të na pranojnë përkohësisht nuk na prish punë, megjithëse mbledhja e muajit shkurt është shumë afër për të ndodhur diçka”, ka thënë Besim Hasani për Zërin.

“Sa i përket pranimit të federatave, atë kusht e kemi përmbushur. Të gjitha federatat që janë përkohësisht të pranuara gjatë këtij viti do të pranohen me të drejta të plota. Por, prioritet tashmë nuk është pranimi i federatave, por pranimi i Komitetit Olimpik të Kosovës në Komitetin Olimpik Ndërkombëtar", përfundoi ai./Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.