Kujdes kur hakmerren Blutë!
Chelsea e ka shkatërrur me rezultat 4-0 Brentfordin në ndeshjen kthyese të FA Cup të zhvilluar në Stamford Bridge, për t’u kualifikuar në rrethin tjetër të kësaj gare. Në pjesën e parë Chelsea dominoi plotësisht, por nuk arriti që të shënonte.
Në pjesën e dytë, Juan Mata e hapi serinë e golave në minutën e 54 me një goditje të bukur për 1-0.
Oscar më pas shënoi në minutën e 68-të për 2-0, para se legjenda Frank Lampard të realizonte për 3-0.
Rezultatin përfundimtar për 4-0 dhe hakmarrjen e finalizoi kapiteni John Terry (81’).
Chelsea kështu kualifikohet në rrethin tjetër të FA Cup me rezultat të përgjithshëm 6-2, pas barazimit prej 2-2 në ndeshjen e parë. /Telegrafi/
