Lëndohet Xherdan Shaqiri
Trajneri i Bayernit të Munichut, Jupp Heynckes, nuk do të mund të llogarisë në shërbimet e superyllit shqiptar, Xherdan Shaqiri, për ndeshjen e të dielës në udhëtim ndaj Mainzit. Anësori i shumëanshëm shqiptar pësoi një dëmtim në nyjen e këmbës së gjatë stërvitjes të hënën, ndërsa është diagnostifikuar një dëmtim nga mjeku i ekipit bavarez.
Shaqiri është urdhëruar që të qëndrojë jashtë stërvitjeve për pesë ditë dhe për këtë arsye ai nuk do të luajë ndaj Mainzit.
Shaqiri është paraqitur 14 herë për Bayernin këtë sezon dhe realizoi vetëm një gol. /Telegrafi/
