Liga e Kampionëve, pjesë e ADN-së së Milanit
Ndeshja e Ligës së Kampionëve ndaj Anderlechtit është një mundësi e përsosur për rikthimin e Milanit drejt fitoreve, pas fillimit zhgënjyes në Serie A – ka thënë Daniele Bonera.“Liga e Kampionëve është një garë e jashtëzakonshme, e cila është pjesë e ADN-së tonë – kjo mund të jetë ndeshja që na nevojitet aktualisht”.
“Ky është një moment i vështirë për të gjithë dhe ne duhet të japim më shumë, duke filluar nga lojtarët me përvojë”.
“Mendoj se skuadra ka kualitet dhe ne mund të jemi konkurrues dhe të arrijmë objektivat tanë”, ka thënë Bonera. /Telegrafi/
