Liverpooli i dobët për Stoke

22:38 / 26.12.2012

Stoke City është treguar skuadër e fuqishme për Liverpoolin duke e mposhtur me rezultat 3-1 në Britannia Stadium.

Pas një ndërhyrjeje të gabuar në Luis Suarez, gjyqtari akordoi penalti që ishte e para për ‘Të Kuqtë’ këtë sezon. Steven Gerrard e konvertoi në gol për epërsinë e mysafirëve (2’).

Nuk kaloi shumë kohë (5’) dhe vendasit e barazuan rezultatin. Realizues ishte Jonathan Walters.

Kenwyne Jones kaloi ekipin e Stoke në epërsi (12’) dhe ky ishte rezultati i pjesës së parë.

Në minutat e para të gjysmës së dytë (49’), Jonathan Walters realizoi golin e dytë personal dhe të sigurisë për vendasit.

Kjo fitore e pozicionon Stoke Cityn në pozitën e tetë në tabelë me 28 pikë, ndërsa Liverpooli me tri pikë më pak qëndron në vendin e dhjetë. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.