Maradona, në Itali për ta zgjidhur problemin e taksave

19:02 / 25.02.2013

Legjenda e futbollit, Diego Armando Maradona, ka udhëtuar të hënën në Itali, për të zgjidhur problemin e taksave, ku dyshohet se ka bërë njëfarë mashtrimi.

“Unë nuk iu shmangem taksave dhe nuk jam mashtrues që të kem frikë për t’u kthyer në Itali. Unë kam luajtur futboll dhe njerëz të tjerë kanë nënshkruar për mua. Nuk kam nënshkruar kurrë asgjë”.

“Njerëzit të cilët janë përgjegjës për këtë punë janë të lirë dhe mund të shëtisin lirshëm në Napoli, kurse unë nuk mundem. Kjo nuk është e drejtë”.

“Dua të kthehem në Itali si xhentëlmen, sepse unë kurrë nuk kam vjedhur asgjë nga askush”, ka thënë Maradona. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.