Marotta: Gjyqtari nga Napoli ndjeu presionin
Drejtori i Juventusit, Giuseppe Marotta, ka deklaruar se gjyqtari i cili vjen nga Napoli, Marco Guida, ka ndjerë presion të madh në gjykimin e takimit ndaj Genoas të shtunën. Gjyqtari nuk akordoi një penalti të pastër dhe Marotta beeson se prejardhja e gjyqtarit, që është nga Napoli, ka mundur të ndikojë që ai të ketë presion. Napoli do të afrohet në vetëm tri pikë nëse fiton sot ndaj Parmas.
“Gjyqtari Guida është nga Napoli dhe ndoshta ka mundur të ndjejë presion. Unë jam i sigurt se ai është njeri i mirë, por nëse këta gjyqtar nga regjione të caktuara vendosen në këtë mënyrë, atëherë duhet të ketë një arsye”.
“Unë po flas vetëm për një gabim. Ai është i ri, ai ka qenë i angazhuar në ndeshjen tonë dhe e kishte të vështirë. Paramendoni një dështim të një gjyqtari torinez në një ndeshje të Napolit”, ka thënë Marotta. /Telegrafi/
