Mazzarri: Ishim të pafat kundër Fiorentinas

20:05 / 20.01.2013

Walter Mazzarri ka thënë se Napoli ka mundur t’i fitonte të tria pikët në ndeshjen kundër Fiorentinas, por ata ishin të pafat pasi pësuan një gol nga gjysma e fushës.

Facundo Roncaglia ia dha epërsinë Fiorentinas në minutën e 33-të kur pasimi i tij nga gjysma e fushës për Luca Tonin, në mënyrë të papritur kërceu përmbi portierin Morgan de Sanctis dhe hyri në rrjet. Cavani më vonë (42’) i barazoi shifrat duke shënuar golin e tij të 100-të në Serie A.

“Ishte një ndeshje argëtuese dhe të dy ekipet luajtën për fitore. Ne ishim të pafat pasi pësuam një gol shokues dhe ndoshta në fund kemi merituar më shumë se një pikë”.

“Tani do të ndeshemi me Parmën, që është kundërshtar i vështirë”, ka deklaruar trajneri i Napolit /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.