Mazzarri: Nuk guxojmë të luajmë si ndaj Viktorias

15:13 / 15.02.2013

Trajneri i Napolit, Walter Mazzarri, ka paralajmëruar lojtarët e tij se ata nuk guxojnë më të luajnë si në ndeshjen e mbrëmshme të Europa League.

Napoli pësoi disfatë me rezultat 3-0 nga Viktoria Plzen dhe 51-vjeçari pranon se skuadra e tij nuk iu qas ndeshjes në mënyrën e duhur.

“Ju mund të shihni se ne nuk kishim mentalitetin e duhur. Ne nuk mund të dalim në fushë ashtu. Në pjesën e dytë ne krijuam shtatë shanse të pastra shënimi. Viktoria, megjithatë, shënoi dy gola nga dy shanse e gjysmë”.

“Sot nuk ishte çështje nëse ne shfrytëzonim tre ose katër mbrojtës, ne thjesht nuk iu qasëm topin në mënyrën e duhur. Disa lojtarë nuk dolën në fushë në mënyrën e duhur”, ka thënë Mazzarri për Sky Sport Italia. /Telegrafi/ 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.