Mbretërit presin Barcën
Real Madridi është kualifikuar në gjysmëfinale të Kupës së Mbretit, përkundër barazimit prej 1-1 ndaj Valencias në Mestalla në ndeshjen kthyese. Ndeshja nga madrilenët, me vendasit që kishin shpresë në gabime, pasi edhe humbja 5-0 në La Liga u duk që la plagë të thella te lojtarët e Valencias.
Reali mbeti pa kapitenin Casillas për shkak të një lëndimi dhe atë e zëvëndësoi i ‘preferuari’ i Mourinhos, Antonio Adan (17’).
Realit plasmanin në rrethin tjetër ia siguroi Karim Benzema (44’), i cili realizoi për 1-0.
Në pjesën e dytë u përjashtua Fabio Coentra (51’) dhe nga gjuajtja e lirë realizoi Tino Costa (52’), falë dhe një reagimi të pavëmendshëm të Antonio Adan.
Reali e përfundoi takimin me dy lojtarë më pak në terren, pasi në dush të ftohtë u dërgua edhe Angel Di Maria (88’), por kjo nuk ndikoi në rezultat.
Sfida e parë përfundoi 2-0 dhe sfida kthyese në Mestalla përfundoi me rezultat 1-1, kështu që Real Madridi me rezultat të përgjithshëm prej 3-1 kualifikohet në gjysmëfinale të Kupës së Mbretit, ku do të presë fituesin e takimit që zhvillohet të enjtën mbrëma mes Malagas dhe Barcelonës. /Telegrafi/
