Memli pret lajm pozitiv nga takimi i FIFA-së

13:21 / 14.12.2012

Ministri i kulturës, rinisë dhe sportit, Memli Krasniqi, pret lajm pozitiv për Kosovën nga takimi i Komitetit Ekzekutiv të FIFA-së, që do të mbahet sot në Tokio të Japonisë.

Sipas tij, shtimi i numrit të njohjeve për Republikën e Kosovës është shumë pozitiv në këtë drejtim. Krasniqi insiston se institucioni që udhëheq ka kërkuar vazhdimisht që miqësoreve të mos i vihet asnjë lloj kushtëzimi, teksa vitin 2012 e vlerëson si më të suksesshmin për sportin në përgjithësi.

“Unë absolutisht me bindje të plotë them se ky është viti më i suksesshëm që ka pasur sporti kosovar në historinë e re, sepse ne kemi arritur në radhë të parë që ta përmbushim kriterit teknik për aplikim në Komitetin Olimpik Ndërkombëtar”.

“Kemi dhjetë federata të pranuara ndërkombëtarisht, prej tyre pesë me të drejta të plota e disa të tjera në proces të pranimit të plotë deri në kongreset e ardhshme të federatave respektove”, ka deklaruar Memli për gazetën Sport./Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.