Messi: Të përmirësohemi para El Clasicos
Sulmuesi argjentinas, Lionel Messi, beson se Blaugranët duhet që të përmirësohen në rast se dëshirojnë që të mposhtin Real Madridin të martën. Messi ka kërkuar nga bashklojtarët që të mobilizohen dhe të përmirësojnë performancën para ndeshjes ndaj Real Madridit që do të vendosë gjysmëfinalistin në Copa del Rey.
“Ndaj Sevillas e kemi ditur se do të jetë ndeshje e vështirë, sidomos pas ndeshjes ndaj Milanit. Por, ne fituam dhe kjo është gjëja kryesore”.
“Unë ndihem mirë dhe më pëlqen të luaj. Tani ne duhet që të luajmë sikurse gjithmonë në një ndeshje kupe ndaj Real Madridit. Ne nuk mund të sigurohemi dhe të synojmë rezultatin 0-0”, ka deklaruar Messi.
I pyetur se nëse e kishe fyer Aitor Karankan në ndeshjen e parë El Clasico, Messi tha se nuk merret me këto gjëra dhe me spekulimet që vijnë nga mediat madrilene. /Telegrafi/
