Milito i prekur nga përkrahja Nerazzure

18:53 / 15.02.2013

Sulmuesi argjentinas, Diego Milito, është shprehur shumë falënderues për përkrahjen e shprehur nga tifozët pas dëmtimit të tij të rëndë në ligamentet e gjurit.

Milito do të mungojë deri në shtator dhe lajmi përkundër faktit se nuk është pritur mirë nga qarqet Nerazzure, janë tifozët zikaltër ata që kanë shprehur dashurinë e tyre për El Principen dhe kjo nuk ka kaluar pa u vërejtur nga legjenda e Interit.

“Unë dua të falënderoj të gjithë për përkrahjen. Unë dua të falënderoj presidentin Moratti, bashkëlojtarët dhe të gjithë te Interi. Po ashtu falënderoj Milanin, Genoan dhe Fiorentinën për fjalët e mira”.

“Por, më shumë dua të falënderoj tifozët e Interit, të cilët më kanë prekur me përkrahjen e tyre. Gjithë kjo dashuri po më jep shumë motivim që sa më shpejt të kthehem në fushë, për të fituar trofe me ekipin tim”, ka deklaruar Milito për faqen zyrtare të Interit. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.