Milito operohet me sukses
Sulmuesi legjendar i Interit, Diego Milito, është operuar me sukses mbrëmë në spitalin San Matteo në Pavia nga Prof.dr. Benazzo dhe asistenti i tij Franco Combi. Intervenimi ka shkuar me sukses, por siç raporton La Gazzetta dello Sport, lajmi më i mirë është se ai nuk e ka dëmtuar kapsulën e gjurit, gjë që ndikon në shërimin më të shpejtë të tij.
Rikthimi i tij pritet të jetë pas gjashtë muajsh, por kjo kohë mund të jetë edhe më e shkurtë. Sulmuesi argjentinas do të qëndrojë në klinikë për disa ditë dhe pastaj do të shkojë në shtëpinë e tij që ta vazhdoj rehabilitimin./Telegrafi/
