Modric do të stërvitet me skuadrën
Menaxheri i Tottenhamit, Andre Villas-Boas, ka bërë të ditur se Luka Modric do të kthehet në stërvitje, pasi klubi akoma nuk ka marrë një ofertë të pranueshme për shërbimet e tij.Mesfushori kroat kërkohet me ngulm nga Real Madridi, mirëpo Spursat nuk duan të bëjnë kompromis rreth çmimit që kërkojnë.
“Ai është stërvitur ndaras. Tash është e rëndësishme që Luka të ndjehet psikikisht i gatshëm që të kthehet në stërvitje me ekipin e parë”.
“Mendoj se lojtari duhet ta kuptojë se klubi nuk mund të bëjë asgjë sa u përket ofertave të klubeve tjera”.
“Ne kemi një vlerësim dhe një interes, të cilin duhet ta mbrojmë, dhe jemi të gatshëm që ta riintegrojmë lojtarin nëse oferta nuk përputhet”, ka deklaruar portugezi për Sky Sports. /Telegrafi/
